სახიზარის კლდის ბუნების ძეგლი

როდესაც საქართველოში იმოგზაურებ, მიხვდები, რომ ბუნებას სასწაულების მოხდენა ნამდვილად შეუძლია, რადგან აქ განუმეორებელი სილამაზის შედევრებს საკუთარი თვალით იხილავ. ერთ-ერთი ასეთი საოცრებაა სახიზარის კლდის ბუნების ძეგლი, რომელიც ყაზბეგის მუნიციპალიტეტში, სოფელ სიონის მიდამოებში, ზღვის დონიდან 3136 მეტრზე მდებარეობს.

რეგიონი

მცხეთა-მთიანეთი

რეგიონი

სტეფანწმინდა

რას წარმოადგენს სახიზარის კლდის ბუნების ძეგლი?

სახიზარი ეროზიული სვეტების კომპლექსია, რომელიც მთა ქაბარჯინაზე წარმოიქმნა.

ქაბარჯინა 3141 მეტრის სიმაღლის, თვალწარმტაცი კლდოვანი მასივის სახით წარმოდგენილი ჩამქრალი ვულკანია ხევის კავკასიონზე - საქართველოს ჩრდილოეთ კალთაზე.

საუკუნეების წინათ, ომიანობის პერიოდში, ახლომდებარე სოფლების მოსახლეობა ამ კლდეებში იხიზნებოდა. ამიტომაც ეწოდება კლდეს სახიზარი.
მთის ფერდობებზე მარადმწვანე „ალპური ვარდის“ ბუჩქები იზრდება, რომლებსაც მოვარდისფრო-მოწითალო ფერის ზანზალაკისებრი ლამაზი ყვავილები აქვს.

ბუნების ძეგლთან ყველაზე ახლომდებარე დასახლებული პუნქტი სოფელი სიონია, რომელიც თბილისიდან 144 კმ-ით არის დაშორებული.

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა