კაიაკინგი ჩაქვისწყალზე

მდინარის სირთულე

ჩაქვისწყლის სექციის სირთულის კატეგორიაა 3-4+.

ადგილმდებარეობა

სოფელი ჩაქვისთავი, სადაც მარშრუტი იწყება, ქობულეთის მუნიციპალიტეტში, აჭარაში მდებარეობს. მთლიანად გარშემორტყმულია მტირალას ეროვნული პარკით. 

მდინარე

მდინარე ჩაქვისწყალი სათავეს იღებს მესხეთის ქედის ჩრდილო-დასავლეთ კალთაზე, ზღვის დონიდან 1295 მ-ზე. მდინარის სიგრძეა 25.2 კმ. საზრდოობს თოვლის, წვიმისა და მიწისქვეშა წყლებით. ჩაედინება შავ ზღვაში. 

მარშრუტი

მარშრუტი იწყება სოფელ ჩაქვისთავში, ზღვის დონიდან 315 მ-ზე და სრულდება სოფელ ხალასთან, ზღვის დონიდან 140 მ-ზე. 

მარშრუტის სიგრძეა 7 კმ, ვერტიკალური დაშვების სიმაღლე 175 მ, სირთულის კატეგორია 3-4+ (მაღალი და არარეგულარული ტალღები, კლდეები და მორევები, ნათელი, მაგრამ ვიწრო გასასვლელები).

მარშრუტის სეზონურობა

ჩაქვისწყალზე კაიაკინგის თვეებია გვიანი მარტი, აპრილი, მაისი, ივნისი და ოქტომბერი.

როგორ მივიდეთ სასტარტო ადგილას

სოფელ ჩაქვისთავამდე ქობულეთიდან 32 კმ-ია. სასტარტო ადგილას მისვლა შესაძლებელია ნებისმიერი გამავლობის ავტომობილით. 

უსაფრთხოება 

კაიაკით დასაშვებად აუცილებელია გამოცდილება. 

რეკომენდებულია, მდინარე ადგილობრივ კაიაკერთან ერთად გაიარო ან მისგან მიიღო საჭირო ინფორმაცია. ტურის დასაჯავშნად წინასწარ დაუკავშირდი კომპანიას. 

კაიაკინგში  მონაწილეობისთვის მინიმალური ასაკია 18 წელი.