მოდინახეს ციხე
ციხესიმაგრე იმერეთში, საჩხერის რაიონში მდებარეობს. ცნობილია, რომ იქამდე ორი გზა მიდიოდა და ციხესაც ორი გრძელი კედელი ჰქონია, ერთი კედელი მაღალი კოშკით ბოლოვდებოდა, მეორე კედლის დასასრულს კი ორი კოშკი ამაგრებდა. ციხესიმაგრის შუაში სახლი მდგარა, იქვე სამლოცველო და საპყრობილე ყოფილა. ეზოში მარანიც კი გაუკეთებიათ და მიწაში ქვევრები ჩაუყრიათ.
1810 წლის აჯანყების შემდეგ რუსებმა სტრატეგიული მდებარეობის მქონე ციხესიმაგრე მოღალატეების მეშვეობით დაიკავეს და იქ თავიანთი გარნიზონი ჩააყენეს. ამის შემდეგ ციხემ სტრატეგიული მნიშვნელობა დაკარგა.
ციხესიმაგრის არქეოლოგიური გათხრების შედეგად აღმოჩენილია როგორც ადრე, ისე გვიანი ბრინჯაოს ხანის სხვადასხვა ნიმუში. ასევე, აღმოჩენილია ადრეული და გვიანი ანტიკური ხანის ნამოსახლარების ნაკვალევი, საბრძოლო იარაღი და იატაკის ნაშთი.
Cookie პოლიტიკა