KA
Ozurgeti Fine Art Centre

ოზურგეთის სახვითი ხელოვნების ცენტრი

ლადო გუდიაშვილი, ელენე ახვლედიანი, ავთო ვარაზი, გია გუგუშვილი, გია ბუღაძე - ამ საერთაშორისო დონის მხატვართა ცნობილი ტილოები მცირე ნაწილია იმ დიდი კოლექციისა, რომელიც ოზურგეთის სახვითი ხელოვნების ცენტრის გალერეაში ინახება.
რეგიონი
გურია
ქალაქი
ოზურგეთი

რას გთავაზობს ოზურგეთის სახვითი ხელოვნების ცენტრი?

ოზურგეთის სახვითი ხელოვნების ცენტრი 1989 წელს გაიხსნა და ერთ სივრცეში დაიდო ბინა ხელოვნების მუზეუმმა და სურათების გალერეამ. 

დღეს აქ დაცულია ქართველ მხატვართა სხვადასხვა პერიოდის ნამუშევრები, ცენტრის თანამშრომლების მიერ გურიის რეგიონში მოძიებული და შეგროვებული ხალხური რეწვის ნიმუშები, მათ შორის, ხეზე კვეთის ოსტატების ნახელავი, უძველესი ნაქარგები, ფარდაგები, გობელენები, სამრეწველო გრაფიკის ნიმუშები, ფოტონამუშევრები. 

გალერეაში სეზონურად იმართება თანამედროვე მხატვართა პერსონალური და ჯგუფური გამოფენები, ნორჩ მხატვართა ნამუშევრების გამოფენები, ეწყობა ფოტოექსპოზიციები, რათა ადგილობრივი ნიჭიერი ადამიანები ფართო საზოგადოებამ გაიცნოს.

ასე რომ, თუ ხელოვნება გიყვარს, ოზურგეთის სახვითი ხელოვნების ცენტრს აუცილებლად უნდა ეწვიო.

 

ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა