მონასტრამდე მისასვლელად მოკლე საცალფეხო გზა უნდა გაიარო - ერთგვარი ბილიკი სამოთხეში, რადგან იმას, რასაც ირგვლივ დაინახავ, სხვას ვერაფერს უწოდებ.

საქართველოში თითოეულ უძველეს ნაგებობას თავისი ისტორია აქვს, ამბავი, რომელიც ხშირად ჩვენი ამჟამინდელი ისტორიის განმსაზღვრელიც კია, თუმცა ბაგრატის ტაძრის ეროვნული მნიშვნელობა სრულიად განსაკუთრებულია - თეთრი ქვით ნაშენი ეს ლურჯგუმბათებიანი ეკლესია საქართველოს გაერთიანებასთან ასოცირდება. 

საქართველო ულამაზესი ლანდშაფტებისა და გასაოცარი ბუნების ქვეყანაა, თუმცა ეს სანახაობა ბუნების ძეგლებიდან ნამდვილად გამორჩეული ადგილია - ფერადი შუქებით განათებული გაქვავებული მიწისქვეშა ჩანჩქერები, ტბები, ქვის ფარდების მსგავსი მღვიმური ფორმები, ჰელიქტიტები, ანთოდიტები და განუმეორებელი ჩამონაღვენთები არასოდეს დაგავიწყდება. ეს  პრომეთეს მღვიმეა, რომელსაც ყოველწლიურად 200 000 ადამიანი სტუმრობს.

საქართველო უძველესი ისტორიულ-კულტურული ქვეყანაა, რომელიც გასაოცარი ხუროთმოძღვრების ძეგლებითაა მდიდარი. ცხადია, თითოეული მათგანი საუკუნეების წინანდელ განმაცვიფრებელ ისტორიას გვიყვება, მაგრამ ამ მონასტრის ეროვნული ღირებულება მაინც ძალიან მნიშვნელოვანი და გამორჩეულია. იუნესკოს მსოფლიო კულტურული მემკვიდრეობის ძეგლი - გელათის სამონასტრო კომპლექსი ქართველებისა და უცხოელი ტურისტების ერთ-ერთი უსაყვარლესი ადგილია. აღსანიშნავია, რომ აქ მოხვედრა ძალიან მარტივია - მონასტერი ქუთაისიდან სულ რაღაც 11 კმ-ში, სოფელ გელათში მდებარეობს.

ქუთაისი ქრისტეს შობამდე 1400 წლით ადრე დაარსდა და ის მსოფლიოს ერთ-ერთი უძველესი ქალაქია. იგი საოცარი იუმორის, სითბოსა და სიყვარულის ადგილია. ამას ამბობს ყველა, ვისაც აქ ერთხელ მაინც უმოგზაურია.