„სკიჯის სახლი“
რას გთავაზობს „სკიჯის სახლი“?
ეს ორსართულიანი, ავთენტიკური ინტერიერის, კომფორტული, საოჯახო ტიპის სასტუმროა ლამაზი აივნებითა და შთამბეჭდავი ხედებით, ტრადიციულ გურულ სტილზე მოწყობილი ეზოთი.
სახლი გუბაზოულის ხეობაში მდებარეობს და გომის მთისა და ბახმაროსკენ მიმავალ სტუმარს შეუძლია აქ შეისვენოს, გურული კერძებით გემრიელად ისადილოს და გზა ისე გააგრძელოს.
მაგრამ, ვინც აქ დარჩენას გადაწყვეტს, მას დიდი კულინარიული თავგადასავალი ელოდება - მასტერკლასები მასპინძელ დაკასთან ერთად. სეზონის შესაბამისად, შეძლებ შუაცეცხლზე, ქვის კეცზე გამოაცხო მჭადი, ხაჭაპური, გურული ღვეზელი, მოამზადო საწებლები, თხილის სუნელი, ფელამუში, ამოავლო ჯანჯუხა და გამოხადო არაყი.
აქ უბრალო სასტუმრო არ არის, აქ ოჯახია და ყველა ვიზიტორი საოჯახო პროცესების თანამონაწილე ხდება.
ეზოს ბოლოში მდინარის შენაკადი ჭურისწყალი ჩამოედინება, სადაც ზაფხულის სიცხეშიც გაგრილდები. სოფელში შეგიძლია ცხენითაც გაისეირნო.
„სკიჯის სახლი“ ქუთაისისა და ბათუმის აეროპორტებიდან თითქმის ერთნაირი მანძილითაა დაშორებული (80კმ), რომელსაც მანქანით 60-80 წუთში დაფარავ.
Cookie პოლიტიკა