სკიტური სიონის ხეობაში

საწყისი წერტილი: 1860  მეტრი

უმაღლესი წერტილი: 2860 მეტრი

ვერტიკალი: + - 1050 მეტრი

ადგილმდებარეობა

სოფელი სიონი სტეფანწმინდის მუნიციპალიტეტში, ზღვის დონიდან 1860 მეტრ სიმაღლეზე მდებარეობს. ის მდინარე თერგის მარჯვენა ნაპირზეა გაშლილი. სოფელი სტეფანწმინდის ცენტრიდან - 9, გუდაურიდან - 26, თბილისიდან კი 129 კმ-შია. 

სიონიდან მდინარე ტერხენას ხეობაში შევდივართ, საიდანაც საუკეთესოდ მოჩანს ბუნების ძეგლი - სახიზარის კლდე, რაც ამ მარშრუტს განსაკუთრებულ ხიბლს სძენს; მოჩანს, აგრეთვე, მყინვარწვერი. სოფელში კულტურული მემკვიდრეობის არაერთი ძეგლი გვხვდება. 

მარშრუტი 

მარშრუტი სოფელი სიონიდან იწყება. სოფლის ბოლოში შეგვიძლია ტრანსპორტი დავტოვოთ და ტერხენას ხეობისკენ დავიძრათ. სწორ რელიეფზე სავალი გზა 2 კმ სიგრძისაა. აქედან შევუდგებით ქედზე ასვლას. 

1050 ვერტიკალური მეტრის ავლის მერე, დაშვებას ვიწყებთ ზღვის დონიდან 3000 მეტრ სიმაღლიდან. სოფლისკენ იმავე ტრაექტორიით ვეშვებით, როგორითაც ამოვედით.

მთლიანობაში, მარშრუტის სიგრძე 8 კილომეტრია. 

რა უნდა გაითვალისწინო

ამ მარშრუტზე სრიალი შესაძლებელია იანვრიდან აპრილის ბოლომდე. 

დაბინავებას შეძლებ გუდაურისა და სტეფანწმინდის სასტუმროებსა და საოჯახო სასტუმროებში.  

სასტარტო ადგილამდე მისასვლელად მაღალი გამავლობის ავტომობილი დაგჭირდება. 

აუცილებელი აღჭურვილობაა: სკიტურის თხილამურები, საზვავო უსაფრთხოების ჩანთა, საზვავო გადამცემი, ნიჩაბი, ზონდი და სხვა საჭირო ნივთები.