დავით კაკაბაძის სახელობის სახვითი ხელოვნების გალერეა

რას ნახავ დავით კაკაბაძის სახელობის სახვითი ხელოვნების გალერეაში?

გალერეა 1967 წელს დაარსდა და დღეისთვის მის ფონდებში 3000-მდე ექსპონატია დაცული. ნიკო ფიროსმანის, დავით კაკაბაძის, ელენე ახვლედიანის, ლადო გუდიაშვილის, ფელიქს ვარლას, გიგო გაბაშვილისა და სხვა მხატვრების ფერწერული ტილოების გარდა, აქ ნახავ გრაფიკული, სკულპტურული და გამოყენებითი ხელოვნების ნიმუშებს. 

შემთხვევითი არ არის, რომ გალერეა გამოჩენილი მხატვრის დავით კაკაბაძის სახელს ატარებს. დავით კაკაბაძე XX საუკუნის ერთ-ერთი ყველაზე გამორჩეული ხელოვანი, მკვლევარი და მეცნიერი იყო. მოღვაწეობდა როგორც საქართველოში, ისე საფრანგეთში.