უშბას ჩანჩქერი
სად მდებარეობს უშბის ჩანჩქერი?
უშბის ჩანჩქერი სვანეთში, სოფელ მაზერთან მდებარეობს და ის საქართველოს ყველაზე წყალუხვი ჩანჩქერია. აქ სამ ჩანჩქერს შეხვდები, რომლებიც სათავეს მყინვარ უშბიდან იღებენ., მათ შორის ყველაზე დიდი ჩანჩქერიდან გადმოტყორცნილი წყალი ორ კლდეს შორის ჩაედინება. მის ირგვლივ ტერიტორია ნაძვნარითა და ბორცვებითაა დაფარული. ამ ადგილას სრული სიმშვიდე და ბუნების ხელთუქმნელი სილამაზე დაგხვდება.
როგორ უნდა მიხვიდე უშბის ჩანჩქერთან?
ზამთარში ყველაფერი თოვლითაა დაფარული და აქაურობა თითქმის მიუვალია. ზაფხულში კი ჩანჩქერის ძირში საფეხმავლო გზით მიხვალ - სამანქანო გზიდან 3 კმ-ში. ჩანჩქერის თავზე მოსახვედრად კიდევ 3 კილომეტრის გავა არის აჭირო, თუმცა ეს ბილიკი პირველთან შედარებით უფრო რთული გასავლელია და სულ აღმართს მიუყვება.
კიდევ ერთი სირთულეა მდინარის გადაკვეთა, რის შემდეგაც ბილიკი შედარებით მარტივდება. როცა ჩანჩქერის თავზე მოექცევი, თვალწინ საოცარი სანახაობა გადაგეშლება - ზღაპრული ხედი სვანეთზე, ბუნების ულამაზესი ძეგლებით, რაც ყველა მოლოდინს გადააჭარბებს.
Cookie პოლიტიკა