გომისმთა კლიმატური კურორტია, რომელსაც გურიის სამკურნალო კურორტების სიაში ერთ-ერთი გამორჩეული ადგილი უკავია. ის ქალაქ ოზურგეთიდან 33 კმ-ის დაშორებით და ზღვის დონიდან 2100-2755 მეტრ სიმაღლეზე მდებარეობს. ამიტომ მას „ღრუბლების კურორტსაც“ უწოდებენ.

წლების განმავლობაში აქ ჭაობი და გაუვალი ტყე იყო, დღეს კი ამ ადგილს უამრავი დამთვალიერებელი ჰყავს. უნიკალური რეკრეაციული ზონა ოზურგეთის რაიონში, სოფელ შეკვეთილში, მთასა და ზღვას შორის 60 ჰექტარზეა გადაჭიმული. ეს ტერიტორია, სპეციალისტების აზრით, თავისი მდებარეობით იდეალურია მრავალი სახის ფლორისა და ფაუნის სიცოცხლისთვის.

შემოქმედის მონასტერი ერთ-ერთია იმ რამდენიმე რელიგიურ ძეგლს შორის, რომელიც გურიაში საბჭოთა ხელისუფლებისგან განადგურებას გადაურჩა და თავდაპირველი არქიტექტურული სახე შეინარჩუნა.

გურიის ზღვისპირა კურორტზე - შეკვეთილში შეგიძლია მთელი საქართველო ნახო, რადგან აქ უნიკალური პარკი „საქართველო მინიატიურებში“ მდებარეობს.

ოზურგეთში ჩამოსვლისას უნდა იცოდე, რომ ისტორიულად საინტერესო ადგილას იმყოფები. შუა საუკუნეებში ეს კულტურულად და ეკონომიკურად ძალიან განვითარებული რეგიონი იყო - ტაძრებითა და ციხესიმაგრეებით. გვიან ფეოდალურ ხანაში კი ოზურგეთი უკვე მიმზიდველი სავაჭრო ქალაქი და გურიის მთავრების რეზიდენცია გახდა. ოზურგეთში ბრინჯაოს ხანის ნამოსახლარებსაც ნახავ. ქალაქის სახელი ისტორიულ წყაროებში XVI საუკუნიდან ჩნდება.

საქართველოს შავი ზღვის სანაპიროზე, ბათუმიდან ჩრდილოეთით 45 კმ-ში მდებარეობს პატარა ზღვისპირა კურორტი შეკვეთილი. იშვიათად თუ შეხვდები სადმე ასეთ პატარა ტერიტორიაზე, ერთი მხრივ, წყნარ, საკურორტო ზოლს და, მეორე მხრივ, უამრავ თანამედროვე სანახაობასა და გასართობს.