KA
ერთდღიანი ტური გურიაში
ეს გამოცდილება კიდევ ერთხელ დაგარწმუნებს, თუ რამდენად განსაკუთრებული და მშვენიერია გურია. ერთდღიანი ტურის ფარგლებში, შესაძლებლობა გექნება იხილო შუა საუკუნეებში აშენებული შემოქმედის მონასტერი და ესტუმრო ისეთ ადგილებს, როგორებიცაა შეკვეთილის დენდროლოგიური პარკი, შავი ზღვა, გომის მთა და მინიატურების პარკი.
მანძილი
60კმ
დრო
8-12სთ
სირთულე
საშუალო
1გომისმთა
გომისმთა კლიმატური კურორტია, რომელსაც გურიის სამკურნალო კურორტების სიაში ერთ-ერთი გამორჩეული ადგილი უკავია. ის ქალაქ ოზურგეთიდან 33 კმ-ის დაშორებით და ზღვის დონიდან 2100-2755 მეტრ სიმაღლეზე მდებარეობს. ამიტომ მას „ღრუბლების კურორტსაც“ უწოდებენ.
2შეკვეთილის დენდროლოგიური პარკი
წლების განმავლობაში აქ ჭაობი და გაუვალი ტყე იყო, დღეს კი ამ ადგილს უამრავი დამთვალიერებელი ჰყავს. უნიკალური რეკრეაციული ზონა ოზურგეთის რაიონში, სოფელ შეკვეთილში, მთასა და ზღვას შორის 60 ჰექტარზეა გადაჭიმული. ეს ტერიტორია, სპეციალისტების აზრით, თავისი მდებარეობით იდეალურია მრავალი სახის ფლორისა და ფაუნის სიცოცხლისთვის.
3შემოქმედის სამონასტრო კომპლექსი
შემოქმედის მონასტერი ერთ-ერთია იმ რამდენიმე რელიგიურ ძეგლს შორის, რომელიც გურიაში საბჭოთა ხელისუფლებისგან განადგურებას გადაურჩა და თავდაპირველი არქიტექტურული სახე შეინარჩუნა.
4მინიატურების პარკი
გურიის ზღვისპირა კურორტზე - შეკვეთილში შეგიძლია მთელი საქართველო ნახო, რადგან აქ უნიკალური პარკი „საქართველო მინიატიურებში“ მდებარეობს.
5ოზურგეთი
ოზურგეთში ჩამოსვლისას უნდა იცოდე, რომ ისტორიულად საინტერესო ადგილას იმყოფები. შუა საუკუნეებში ეს კულტურულად და ეკონომიკურად ძალიან განვითარებული რეგიონი იყო - ტაძრებითა და ციხესიმაგრეებით. გვიან ფეოდალურ ხანაში კი ოზურგეთი უკვე მიმზიდველი სავაჭრო ქალაქი და გურიის მთავრების რეზიდენცია გახდა. ოზურგეთში ბრინჯაოს ხანის ნამოსახლარებსაც ნახავ. ქალაქის სახელი ისტორიულ წყაროებში XVI საუკუნიდან ჩნდება.
6შეკვეთილი
საქართველოს შავი ზღვის სანაპიროზე, ბათუმიდან ჩრდილოეთით 45 კმ-ში მდებარეობს პატარა ზღვისპირა კურორტი შეკვეთილი. იშვიათად თუ შეხვდები სადმე ასეთ პატარა ტერიტორიაზე, ერთი მხრივ, წყნარ, საკურორტო ზოლს და, მეორე მხრივ, უამრავ თანამედროვე სანახაობასა და გასართობს.
ვებგვერდი იყენებს Cookies რათა გავაუმჯობესოთ მომხმარებელთა გამოცდილება.
Cookie პოლიტიკა