წარმოიდგინე შავი ზღვის სანაპიროს მთელი კილომეტრის გასწვრივ გაშენებული ბოტანიკური ბაღი, ორ იარუსზე განლაგებული ზღაპრული ბაღი, ადგილი სადაც სხვადასხვა კლიმატისა და ლანდშაფტის 5 ათასზე მეტი სახეობის მცენარემცენარეებია თავმოყრილი - ეს ბათუმის ბოტანიკური ბაღია, აჭარის ერთ-ერთი უმშვენიერესი ადგილი.

მოჩანს ზღვიდან და ხმელეთიდან, ღამე სხვადასხვა ფერებით ნათდება, მისგან ზღვისა და მთების საოცარი პანორამული ხედები იშლება და ამიტომაც „პანორამული ბორბალი“ ჰქვია.

ეს არის ბათუმის ზღვისპირა ბულვარში გაშენებული ღია სივრცე, რომლის ბილიკებს თანამედროვე არქიტექტურის უნიკალური ნიმუშებისა და სკულპტურებისკენ მიჰყავხარ.

თბილისში XXI საუკუნის 10-იან წლებში მსოფლიოში ცნობილი, თანამედროვე არქიტექტორების - შინ ტაკამაცუს (ყოფილი ბიზნესცენტრი სოლოლაკის ქედზე), მიკელე დე ლუკის (შს სამინისტრო და მშვიდობის ხიდი) და მასიმილიანო ფუქსასის (იუსტიციის სახლი, მუსიკალური ცენტრი და სამხატვრო გალერეა რიყეზე) პროექტები განხორციელდა. მიუხედავად ამისა, საქართველო მსოფლიო არქიტექტურულ ასპარეზზე არა ცნობილმა უცხოელმა ოსტატებმა, არამედ ქართველმა ახალგაზრდა არქიტექტორმა გაიყვანა, რომელმაც 2013 წელს აშენებული ნაგებობით უმოკლეს ხანში მიიღო საერთაშორისო აღიარება.

ბათუმის დელფინარიუმის მასპინძლები თავიანთი სტუმრების კარგ განწყობაზე, ორშაბათის გარდა, ყოველდღე, ნებისმიერ ამინდში ზრუნავენ.

თუ ზღვის მისტიკური ბუნება შენში მძაფრ ემოციებს აღძრავს, ხოლო თვალუწვდენელი ჰორიზონტი წარსულის თითქმის დავიწყებულ მოგონებებს გახსენებს, საქართველოში შავი ზღვის ჯადოსნური სანაპიროებით აუცილებლად მოიხიბლები. ერთ-ერთ ასეთ თავგადასავალს ბათუმში, გრძედისა და განედის 41-გრადუსიანი პარალელების გადაკვეთის წერტილში გადააწყდები, სადაც ბათუმის შუქურა მდებარეობს

ბათუმი ულამაზესი ზღვისპირა ქალაქია, რომელიც თავისი მოელვარე სანაპიროებით განსაკუთრებით მოგხიბლავს. აქ ევროპაში ერთ-ერთ ყველაზე მასშტაბურ მოცეკვავე შადრევნებს შეხვდები, რომლებიც შავი ზღვის ლაჟვარდოვანი სანაპიროს სავიზიტო ბარათია.

ყოველ საღამოს, 19:00 საათიდან, ბათუმის ბულვარში ქალისა და მამაკაცის რვამეტრიანი  ფიგურები წრიულად მოძრაობას იწყებს. ისინი 10 წუთში ერთხელ ერთმანეთს უახლოვდებიან, ერწყმიან, შორდებიან, შემდეგ ისევ უახლოვდებიან, ერწყმიან, შორდებიან...

ბათუმი ასეთად ამერიკის სტუმარმასპინძლობის მეცნიერების აკადემიამ ჯერ კიდევ 2012 წელს აღიარა, ჟურნალმა Forbes-მა კი „ხავერდოვან სეზონზე“ დასასვენებელი საუკეთესო კურორტების ხუთეულში შეიყვანა.  „ხავერდოვანი სეზონი“ ზღვაზე დასასვენებლად საუკეთესოდ მიიჩნევა, მაგრამ ბათუმი წელიწადის ნებისმიერ დროს გამორჩეულად გიმასპინძლებს - საქმიანი ვიზიტით ესტუმრები თუ დასასვენებლად, მარტო, მეგობრებთან თუ ოჯახთან ერთად, დიდი ხნით თუ მხოლოდ „უიკენდზე“.