ქალაქ მარტვილში აუცილებლად თვალში მოგხვდება მთის თხემზე აგებული დიდი სამონასტრო კომპლექსი - ქართული ხუროთმოძღვრების მშვენება. ამ ადგილამდე ქალაქის ცენტრიდან სამანქანო გზაც ადის და საბაგიროც, რომელიც სამ წუთში აგიყვანს. მონასტერი VII საუკუნეშია აშენებული და დღევანდელი სახე საუკუნეების განმავლობაში მომხდარი ცვლილებების შედეგია.

მარტვილში, სოფელ სალხინოში აშენებული სასახლე წარსულში დადიანების საზაფხულო რეზიდენცია იყო. სასახლისკენ საუკუნოვან ხეებს შორის მიმავალ ქვაფენილზევე იგრძნობ XIX საუკუნის ქართველი არისტოკრატების, საფრანგეთის საიმპერატორო ოჯახთან დანათესავებული თავადი დადიანების მთელ დიდებულებას.

გსმენია კინჩხის ჩანჩქერის შესახებ? მას ოკაცეს ჩანჩქერსაც უწოდებენ. თუ არ გსმენია, იცოდე, რომ ეს ერთ-ერთი ყველაზე დიდი ჩანჩქერია საქართველოში.

სამეგრელოს ერთხელ მაინც თუ ეწვევი, აქ მიღებული გამოცდილება არასოდეს დაგავიწყდება. მარტვილის კანიონი სწორედ სამეგრელოში, მარტვილის მუნიციპალიტეტში მდებარეობს.

თუ სათავგადასავლო ტურები გხიბლავს, დათვის ტბას აუცილებლად უნდა ესტუმრო, რადგან აქაური ველური ბუნება და კანიონების გამაოგნებელი სილამაზე შენს დაუვიწყარ თავგადასავლად იქცევა.

მსოფლიოს ცნობილი კანიონებისგან საქართველოს კანიონებს, უპირველეს ყოვლისა, ფერები განასხვავებს. მწვანედ შეფერილი აქ არა მხოლოდ მდინარეები, არამედ ტბები და მთებიც დაგხვდება.

მარტვილის კანიონი მდებარეობს მარტვილის მუნიციპალიტეტში, სოფელ გაჭედილში, ზღვის დონიდან 210 მეტრზე, მდინარე აბაშის ხეობაში. კანიონის სიგრძე 2400 მეტრია, აქ გვხვდება საფეხმავლო ბილიკები ეგზოტიკურ ბუნებაში, ჩანჩქერები, მდინარეები, ტბები და კლდეები. შეგიძლია ნავით გაისეირნო მდინარე აბაშაზე, 300-მეტრიან მონაკვეთზე და ასევე სხვადასხვა გასართობი და ექსტრემალური თავგადასავალი გამოცადო.

ქუთაისი ქრისტეს შობამდე 1400 წლით ადრე დაარსდა და ის მსოფლიოს ერთ-ერთი უძველესი ქალაქია. იგი საოცარი იუმორის, სითბოსა და სიყვარულის ადგილია. ამას ამბობს ყველა, ვისაც აქ ერთხელ მაინც უმოგზაურია.

მარტვილი პატარა ქალაქია, რომელიც დასავლეთ საქართველოში, სამეგრელოს რეგიონში მდებარეობს. ეს ადგილი დიდი კულტურის კერაა, რასაც ორი სხვადასხვა ხასიათის ფაქტი მოწმობს: 1)ჭყონდიდის მონასტერში აღიზარდა საქართველოს ყველაზე ცნობილი, რეფორმატორი მეფე დავით აღმაშენებელი; 2) 1873 წელს პირველად აქ დაიდგა შექსპირის პიესა „ვენეციელი ვაჭარი“. ისტორია დუმს იმის შესახებ, სპექტაკლი ინგლისურ ენაზე იყო თუ ქართულად, მაგრამ თავად ეს გაურკვევლობაც კი აჩვენებს, რომ ევროპა მაშინაც არ იყო შორს.