ჭიუხის მასივი ერთ-ერთი ულამაზესი მთათა სისტემაა საქართველოში და უამრავ მოგზაურს იზიდავს მთელი მსოფლიოს მასშტაბით.

ანანურის ციხის ანსამბლი საქართველოს ისტორიულ მხარეში, დუშეთის მუნიციპალიტეტში, თეთრი არაგვის მარჯვენა ნაპირზეა აშენებული. ამ მძლავრმა ციხესიმაგრემ დროს გმირულად გაუძლო. ადრე ის უძველესი ფეოდალური გვარის - არაგვის ერისთავების ციხესიმაგრე იყო, საიდანაც სტრატეგიული გზები კონტროლდებოდა.

საქართველოს გეოგრაფიული მდებარეობა მისი ბუნების მრავალფეროვნებასა და უნიკალურობას განაპირობებს. მოძრავი ლოდები, კლდოვანი სვეტები, ღრმა კანიონები, ვულკანური ფორმები, მდუღარე ტბები და გაქვავებული ტყეები - ეს შთამბეჭდავი ბუნების ძეგლები იმის მაგალითია, რომ ბუნება საუკეთესო შემოქმედია. ტრავერტინი საქართველოს ბუნების ერთ-ერთი საოცრებაა. ის ფორიანი, მცირე სიმკვრივის ნახევრად კრისტალური მყარი ქანია, რომელიც კალციუმის კარბონატის დალექვის შედეგად წარმოიქმნება. ხშირად მიწისქვეშა წყლებიდან გამოიყოფა და მღვიმეებში სტალაქტიტებსა და სტალაგმიტებს ქმნის.

ყაზბეგისა და ჭიუხის მთების ულამაზესი ხედები ცხოვრებაში ერთხელ მაინც უნდა იხილო. შეუძლებელია, აქ მოხვდე და არ გაგაოცოს ამ რეგიონის განსაკუთრებულმა ბუნებამ, უძველესმა ამბებმა და ისტორიებმა, რომლებიც საუკუნეებმა დიდი სიფრთხილით შემოგვინახა.

ამ ემოციებს სიტყვებით ვერ გადმოსცემ, თუმცა, მხოლოდ საკუთარ თავშიც ვერ დაიტევ, რადგან, აბუდელაურის ფერადი ტბების დანახვისას განსაკუთრებული შთაგონება გეწვევა, მოგინდება, რომ შენი მოგზაურობის თითოეული წუთი ფირზე აღბეჭდო და სამუდამოდ შემოინახო.

ეს ულამაზესი სანახაობა დარიალის ხეობაშია, კერძოდ კი - დაბა სტეფანწმინდასთან (ყაზბეგში), სოფელ გველეთში, რომელიც ზღვის დონიდან 1560 მეტრზე, მდინარე დევდორაკის მარჯვენა მხარეს მდებარეობს.

თუკი საქართველოს ჩრდილოეთიდან ესტუმრები და ლარსის საზღვრით შემოხვალ, გზად დარიალის ულამაზეს ხეობას ამოუყვები და რამდენიმე წუთში დაბა სტეფანწმინდაში (ყაზბეგში) აღმოჩნდები. აქ მყინვარწვერს რომ ახედავ, ამ თეთრი გოლიათის ფონზე გუმბათიან ეკლესიას დაინახავ - ეს გერგეტის სამებაა, ქართული ხუროთმოძღვრების გამორჩეული ძეგლი, რომელიც XIV საუკუნეშია აგებული.

საქართველოს რუკაზე სტეფანწმინდა გამორჩეული ადგილია. აქედან 11 კმ-ში ქვეყნის ჩრდილოეთი საზღვარია და სწორედ აქ გადის ევროპისა და აზიის კვეთაზე ერთ-ერთი ყველაზე ძველი გზა.

თბილისიდან 120 კილომეტრში საოცარი სამთო-სათხილამურო კურორტი - გუდაური მდებარეობს. შეიძლება არც დაიჯერო, მაგრამ ასეთ მოკლე მანძილზე მზიანი თბილისიდან პირდაპირ ალპურ ზონაში შეგიძლია აღმოჩნდე. აქ თოვლი 5 თვეს ძლებს და იდეალური ადგილია მოთხილამურეებისთვის, ექსტრემალებისა და აქტიური დასვენების მოყვარულებისთვის. აქვეა ევროპაში ყველაზე მაღალ წერტილში მოწყობილი სათავგადასავლო ტურიზმის სკოლა, სადაც მთის, ალპური, სათხილამურო, საფეხმავლო გამყოლები - გიდები და სათხილამურო ინსტრუქტორები სწავლობენ. სკოლა ასევე სამთო გამყოლის საერთაშორისო სერტიფიკატს - IFMGA-საც გასცემს.

ჯუთა მსოფლიო ტურისტულ რუკაზე გამორჩეული ლოკაციაა და ის ერთ-ერთი საუკეთესო ტურისტული დანიშნულების ადგილია კავკასიაში. მაისის ბოლოდან ოქტომბრამდე ამ ადგილს ძალიან ბევრი ადამიანი სტუმრობს, რომლებიც აღნიშნული მოგზაურობიდან გასაოცარი შთაბეჭდილებებითა და დაუვიწყარი ემოციებით ბრუნდებიან.