ზიპლაინი სიღნაღში

ადგილმდებარეობა

სიღნაღი არის საქართველოს ერთ-ერთი პოპულარული ტურისტული ქალაქი, რომელიც კახეთის რეგიონში, გომბორის ქედის სამხრეთ-აღმოსავლეთ კალთაზე მდებარეობს. ქალაქის ცენტრის სიმაღლე ზღვის დონიდან 836 მეტრია.

საფრენი მარშრუტი

სიღნაღის ზიპლაინი ბარათაშვილის ქუჩაზე მდებარეობს, საწყისი წერტილი ზღვის დონიდან 860 მ-ზეა. ხაზის სიგრძეა 400 მ; დაშვებას 50-60 წამი სჭირდება.  

სეზონი

სიღნაღის ზიპლაინი მთელი წლის განმავლობაში ფუნქციონირებს. 

უსაფრთხოება

სიღნაღის ზიპლაინი მოწყობილია თანამედროვე სტანდარტების აღჭურვილობითა და უსაფრთხო სისტემებით. ადგილზე მუშაობენ გამოცდილი ინსტრუქტორები. 

რა არის საჭირო ზიპლაინით დასაშვებად?

არ უნდა გქონდეს სიმაღლის შიში, რათა მაქსიმალური სიამოვნება მიიღო. სხეულის წონა უნდა იყოს მინიმუმ 30 კგ და მაქსიმუმ 130 კგ.