პარაგლაიდინგი გუდაურში - პანორამა („მშვიდობის მონუმენტთან“)

ადგილმდებარეობა 

ასაფრენი წერტილი საქართველოს სამხედრო გზაზე, „ხალხთა მეგობრობის თაღის“ მიმდებარე ტერიტორიაზეა (ამ ადგილს მოსახლეობამ პანორამა შეარქვა). 

ასაფრენი წერტილის სიმაღლეა 2245 მეტრი, იფრენ ხეობაში, თეთრი არაგვის თავზე, დასაჯდომი წერტილი მდინარის მიმდებარე ტერიტორიაზე, სამანქანო გზასთან ახლოს ორგანიზებულ დასაფრენ ლოკაციაზეა.

საფრენი დრო 20-25 წუთი. 

სეზონი

პანორამიდან საფრენი სეზონია ზაფხულის პერიოდში და ადრე შემოდგომაზე. 

ვის შეუძლია ფრენა?

ფრენისთვის აუცილებელია, რომ სხეულის წონა იყოს მინიმუმ 30 კგ და მაქსიმუმ 220 კგ. 

აღნიშნულ ლოკაციაზე პარაგლაიდინგი ადაპტირებულია შშმ პირებისთვის. 

არასრულწლოვანს შეუძლია იფრინოს მხოლოდ მშობლების თანხმობით. 

უსაფრთხოება

ფრენა რეკომენდებულია იმ პილოტთან ერთად, ვისზეც საქართველოს პარაგლაიდინგის სკოლის მიერ გაცემულია ტანდემ პილოტის კვალიფიკაციის დამადასტურებელი მოწმობა.

პილოტის სავარძელი აღჭურვილია სათადარიგო პარაშუტით; ფრენისას პილოტსაც და მგზავრსაც ახურავს ჩაფხუტი, ასევე სასურველია მზის სათვალე. ზაფხულში უნდა გქონდეს მსუბუქი მოსაცმელი, ხოლო დანარჩენ სეზონზე აუცილებელია დათბილული ტანისამოსი. საჭიროების შემთხვევაში, პილოტები იზრუნებენ შენს ჩაცმულობაზე. ფეხზე აუცილებლად უნდა გეცვას დახურული სპორტული ფეხსაცმელი.

შეგიძლია ფრენა  გადაიღო GoPro კამერით, რასაც ასევე პილოტები უზრუნველყოფენ.

კვალიფიციურ პილოტთან ტანდემში ფრენის დაწყებამდე პილოტი ჩაგიტარებს ინსტრუქტაჟს ფრენის პროცესთან დაკავშირებით.