ფრირაიდი გუდაურში

ფრირაიდის გუდაურის მარშრუტები

გაუკვალავ თოვლში სასრიალოდ გუდაურის ჩრდილოეთი ფერდია შესაფერისი. აქედან ეშვები ყაზბეგის მხარეს, კობის თემში. 

საბაგირო არის კობშიც, მისი საშუალებით ისევ მაღლა ადიხარ და ახლა კობის თემის სხვა სოფელში ეშვები. დღის განმავლობაში შეგიძლია რამდენიმე ასეთი დაშვება განახორციელო. 

დაშვება შესაძლებელია ბიდარის მთიდანაც. 

თოვლის საფარი კარგია, გარემო კი - მშვენიერი. 

რა უნდა გაითვალისწინო

ვინც თხილამურებზე დგას, იცის, რომ ფრირაიდი გამოცდილი მოთხილამურეებისთვისაა. თუმცა, როგორი გამოცდილიც არ უნდა იყო, დაშვება მხოლოდ სერტიფიცირებულ გამყოლთან ერთად უნდა დაგეგმო. ადგილობრივმა, კვალიფიციურმა გიდებმა ყველაზე კარგად იციან აქაური მთების სპეციფიკა და ზვავსაშიში უბნები. 

აუცილებელია, კარგად იყო აღჭურვილი, გქონდეს ფრირაიდისთვის საჭირო თხილამურები და საზვავო აღჭურვილობა. 

პროფესიონალი გამცილებლის აყვანა გამართლებულია იმითაც, რომ სასრიალოდ გასვლამდე ის შეადგენს მარშრუტებს კონკრეტული ჯგუფებისთვის, მისი წევრების ფიზიკური შესაძლებლობების, ამინდის, თოვლის მდგომარეობისა და სხვა მნიშვნელოვანი მონაცემების გათვალისწინებით.